Kynningarfundir vegna nýliðastarfs veturinn 2010-2011 verða haldnir í húsi sveitarinnar að Flatahrauni 14 eftirfarandi daga:

Miðvikudaginn 1. september, kl 20:00

Fimmtudaginn 2. september, kl 20:00

Starfið er opið öllum áhugasömum sem fæddir eru ‘93 eða fyrr.  Hvetjum alla til að mæta á kynningarfundina og kynna sér í hverju nýliðaþjálfun felst.

Starfandi nýliðar ásamt eldri félögum verða á staðnum og svara þeim spurningum er brennur á fólki.

Á sama tíma bárust svo fregnir af vélarvana bát í Hvalfjarðarkjafti og því var björgunarskipinu snúið þangað og báturinn tekinn í tog inn í Sundahöfn.

Þess má geta að skipverjar á Einari urðu fyrir þeirri skemmtilegu reynslu að sigla fram á tvo Beinháfa (Rhincodon typus) sem voru á að giska 6-7 metra langir.  Um er að ræða næst stærsta fisk veraldar og því skemmtileg sjón að sjá.

Samstaða

Nú stendur hálendisvakt Björgunarsveitar Hafnarfjarðar sem hæst, en hún hófst síðastliðinn föstudag. Sveitin er staðsett á Sprengisandi með aðsetur í Nýjadal. Tveir fullbreyttir Patrol-jeppar eru á svæðinu ferðafólki til halds og trausts. Tíu manns frá sveitinni hafa staðið vaktina auk þess sem nýliðar hafa flotið með og kynnst ferðalögum á hálendinu.

Verkefni hafa aðallega falist í því að aðstoða ökumenn sem hafa átt í erfiðleikum á svæðinu og auk þess sem farið er um, skálar vaktaðir og ástand vegslóða kannað. Á laugardag gekk hluti hópsins frá Vonarskarði yfir í Nýjadal. Á mánudag er hópurinn kannaði hitastig laugarinnar í Laugafell barst aðstoðarbeiðni frá erlendri konu sem ekki aðeins hafði fest bílinn í snjóskafli heldur var einnig rammvillt. Eftir nokkra leit fannst konan heil á húfi, langt frá þeim stað sem hún taldi sig vera. Vaktin stendur fram á föstudag þegar björgunarsveitin Strákar frá Siglufirði tekur við keflinu.

Sandra á toppi Kala Patthar (5550 m y.s.) með Pumo Ri í baksýn

Nú á vordögum héldu tveir af félögum sveitarinnar, Sandra og Steinþór, til fyrirheitna landsins. Eftir að hafa stundað fræðastörf og brimbretti í Indónesíu var ferðinni heitið á norðlægari slóðir nefnilega til Nepal.

Fyrsta hindrunin á veginum var strax við komun þar sem allsherjarverkfall um allt land setti strik í reikninginn, en voru þau þó mjög fegin að þurfa ekki að ganga frá flugvellinum með allt sitt hafurstask inn í Kathmandu. Þegar þangað var komið var vílað og dílað um ferðatilhögun bak við luktar dyr og með ljósin slökkt hjá leiðsögumannafyrirtækinu en allt hafðist þetta þó að lokum. Loksins var haldið frá Kathmandu til Lukla þar sem við tók stórkostleg ganga upp Khumbudalinn. Stefnan var tekin á “the bottom of the top of the world” eða að rótum sjálfs Everest sem ku vera hið hæsta sinnar tegundar. Gekk gangan vel og voru margir sögufrægir staðir heimsóttir á leiðinni, Lukla, Namche, Tengboche o.fl. Voru ferðalangarnir frá sér numdir yfir fegður fjallanna og þá ekki síst Ama Dablam sem nokkrir félagar sveitarinnar þekkja vel. Í Lobuche sem er í tæplega 5000 m hæð varð Steinþór hæðarveikur og þurfti að lækka sig hið snarasta. Sandra hélt hins vegar ótrauð áfram og heimsótti grunnbúðir Everest (5380 m y.s.) og gekk á tind Kala Patthar (5550 m y.s.) og er þar með sá sveitarmeðlimur farið hefur hvað hæst frá stofnun Björgunarsveitar Hafnarfjarðar.

Leiðir lágu aftur saman í jakuxaþorpinu Dingboche og þaðan var gengið aftur niður til Lukla. Ferðin tók allt í allt tvær vikur og voru ferðalangar yfir sig ánægðir með að kynnast sjálfum Himalaya-fjöllunum. Við komuna til Kathmandu var strax farið að íhuga næstu landvinninga og er þá jafnvel rætt um tinda. Nánar um það síðar…

Steinþór og Sandra á leið yfir eina af mörgum hengibrúm neðarlega í Khumbu-dalnum

Við þökkum kærlega fyrir okkur.

Í gær fékk sveitin veglega gjöf frá Lionsklúbbnum Ásbirni í Hafnarfirði. Þeir Friðrik Ólafur Guðjónsson, formaður, Pétur Júlíus Halldórsson og Halldór Kristjánsson komu færandi hendi með þrjá vandaða nætursjónauka. Við þökkum kærlega fyrir okkur .

Ástandið er vægast sagt skelfilegt og erfitt að gera sér í hugarlund hvernig það er að búa á svæðinu.  Það er okkur því sönn ánægja að geta létt undir með heimamönnum á þessum tímum.

Um helgina mun sveitin manna gæslupósta fyrir austan og taka þátt í hreinsunarstörfum.

Rétt fyrir kl.9:00 í morgun staðfesti LHG að gosmökkur kæmi úr Eyjafjallajökli, en á áttunda tímanum í morgun fór hún í loftið, ásamt raunvísindamönnum.  Nær hann í 12-14.000 feta hæð.  Er gatið á jöklinum rétt suð-vestur af toppi jökulsins og er um 200 metrar í þvermál.  Samt sem áður virðist sem að rennsli úr jöklinum streymi niður Gígjökul og út í Markarfljót.  Vatnsmagnið í Markarfljóti, við gömlu brúna hafði hækkað um 80 cm á mjög stuttum tíma.

Mikill jarðskjálftaórói hófst í jöklinum um kl.23:00 í gærkvöldi og mældist sterkasti skjálftinn 2,8 á Richter, en stöðug virkni var til kl.02:00 í nótt.

Mynd tekin frá mbl.is

Fyrstu björgunarsveitirnar voru kallaðar út um kl.01:30, en þeirra hlutverk var að aðstoða við rýmingu og upplýsa bílstjóra um yfirvofandi eldgos, en ekki kom til lokunar á umferð fyrst um sinn.  Um kl.04:00 var farið í að loka svæðinu fyrir umferð, frá Skógum að Hvolsvelli.

Konu sem slasaðist á öxl var fylgt niður í Bása og ekið þaðan á björgunarbifreið til móts við sjúkrabíl kl 18:30.

Þá er talið að karlmaður hafi ökklabrotnað neðan við einstígið Kattarhryggi fyrir ofan Bása klukkan 20:00.  Björgunarsveitir sinntu honum á vettvangi og biðu flutnings með aðstoð þyrlusveitar Landhelgisgæslunnar.  Því miður reyndist ekki unnt að hífa manninn um borð vegna þess hve gilið er þröngt og bratt og aðstæður erfiðar fyrir þyrlu.

Vegna óvissu um hvort hægt væri að nýta þyrlu í verkefnið höfðu björgunarmenn undirbúið flutningsleið með böndum.  Slysið átti sér stað á þeim hluta gönguleiðarinnar þar sem aðstæður voru hvað erfiðastar en hálka var á einstiginu utan í mjög brattri hlíð.  Að þeim sökum þurfti að slaka manninum niður í gilið áður en hægt var að hífa manninn aftur upp úr gilinu með aðstoð talíukerfis þar sem aðstæður voru betri.  Alls var maðurinn hífður upp um 90m upp á hryginn þangað sem hægt var að bera hann upp í þyrluna sem þyrlusveitin hafði náð að lenda á mjóum hryggnum.  Þegar klukkan var um 00:30 var flogið með manninn af slysstað til Reykjavíkur.

Meðan á þessari aðgerð stóð sinntu aðrir björgunarsveitarmenn aðstoð við konu neðan við Morinsheiði  sem hafði einnig slasast á fæti klukkan 21:30.  Ekki reyndist heldur unnt að lenda þyrlu á þeim stað eða hífa konuna.  Björgunarsveitarmenn báru því konuna áleiðis niður á betri lendingarstað þar sem henni var haldið heitri í tjaldi.  Ekki var talið fýsilegt að bera hana niður það einstigi sem Kattarhryggirnir eru enda nægilega hættulegir fullfrísku fólki.  Þó var athugað með aðra flutningsleið niður gil í átt að Markarfljóti en það krefst mikils búnaðar sem ekki var á vettvangi.

Landhelgisgæslan kallaði til aðra þyrlu sem fór í það verkefni að sækja konuna.  Þá voru einnig með í för svokallaðir undanfarar sem eru sérhæfðir fjallabjörgunarmenn með mikinn búnað til að útbúa aðra flutningsleið niður á láglendi ef ekki hefði verið hægt að lenda á svæðinu heldur aðeins í Básum.  Þyrlusveit Landhelgisgæslunnar tókst að stinga sér niður á hól með nætursjónaukum við erfiðar aðstæður og þangað báru björgunarmenn konuna.  Var hún flutt af vettvangi kl 03:00.

Föstudagurinn langi varð ansi langur hjá  þeim björgunarmönnum sem sinntu aðgerðunum eftir að hafa gengið upp fyrr um daginn og komu ekki niður í Þórsmörk fyrr en klukkan fjögur um nótt.  Björgunarmenn voru því hvíldinni fegnir og heitu lambakjöti sem slysavarnadeild kvenna hafði reiðiubúið í Básaskála af mesta myndarskap.

Mesta mildi þykir að ekki hafi orðið alvarlegri slys á ferðamönnum miðað við takmarkaða reynslu og útbúnað einhverra ferðalanga á gossvæðinu undanfarna daga.  Slysavarnarfélagið Landsbjörg vill árétta að fjallaferðir að vetri til eru aðeins á færi þeirra sem reynslu hafa.  Ferðalöngum er bent á að klettabrúnir og hengjur geta verið óstöðugar og varasamar og á gönguleiðinni upp frá Básum eru viða einstigi og launhált, það þarf ekki að spyrja að leikslokum ef ferðalangar falla af stígnum þar sem brattast er.

Uppstillinganefnd hefur sent frá sér eftirfarandi uppstillingu í embætti, samkvæmt lögum sveitarinnar .

Námskeiðið gekk vonum framar en það lítur allt út fyrir það að Iceland Express fái okkur til að halda þetta námskeið árlega.